Шрифт өлшемі:
A A A
Сайт түстері:
A A A
Әдеттегі болжам
Шрифт көлемі: A A A
Сайт түстері: A A A

Қазақстан Республикасының Дін істері және азаматтық қоғам министрлігі

"Қазақстан – біртұтас жер, біртұтас халық, біртұтас болашақ. Мен барша қазақстандықтарды ұлтаралық және конфессияаралық келісімді одан әрі нығайтуға шақырамын. Олар біздің мәңгілік құндылықтарымыз. Осынау бұлжымас ақиқатты сақтай отырып қана, біз мәңгілік халық, мәңгілік елорда және мәңгілік мемлекет туралы айта аламыз."
Қазақстан Республикасының Президенті Н.Ә. Назарбаевтың Жолдауы

Жаңалықтар

28 ақпан 2017

2017 жылғы 28 ақпанда ҚР Дін істері және азаматтық қоғам министрі Нұрлан Ермекбаев Әзербайжанның Қазақстандағы Елшісі Рашад Маммадовпен кездесті.

Сұхбат барысында тараптар Қазақстан-Әзербайжан қарым-қатынасының өзекті мәселелері, сондай-ақ дін, азаматтық қоғам салалары мен жастар саясатын одан әрі дамытудың бағыттары бойынша пікір алмасты.

Н.Ермекбаев террорлық және діни экстремистік қауіп-қатерлерге қарсы тұруға бағытталған аймақтық қауіпсіздікті қамтамасыз етудің тетіктерін анықтау екі елдің алдында тұрған негізгі мәселелердің бірі екендігін атап өтті.

Осы орайда Министр діни бірлестіктермен өзара ынтымақтастық практикасы аясында тәжірибе алмасудың қажеттілігіне назар аударды.

Өз кезегінде Р.Маммадов Әзербайжанның екі елдің игілігіне бағытталған Қазақстанмен әріптестік және өзара тиімді қарым-қатынасын нығайтудағы ұмтылысын атап өтіп, еліміздің ұлтаралық саясатын жүзеге асырудағы күш-жігерін жоғары бағалады. 

Кездесу қорытындысы бойынша тараптар конфессияаралық диалогты тұрақты өткізіп тұруға, сондай-ақ мемлекеттік-конфессиялық қатынастар саласында тәжірибе алмасу үшін екі елдің өкілдерін іссапарға жіберіп тұруға уағдаластыққа қол жеткізді.

Айта кетерлік жайт, 2017 жыл Әзербайжанда «Ислам ынтымақтастығының жылы» деп жарияланды және оның шеңберінде әртүрлі іс-шараларды өткізу, соның ішінде мұсылман елдерінің мәдениет, азаматтық қоғам және жастар өкілдерінің іссапарларын ұйымдастыру жоспарлануда.

.